Goal tam zawk khung duh Arteta

Arsenal manager Mikel Arteta chuan hmasawn an ngaihna lai a sawi a, chung zingah chuan goal tam zawk khung chunga chak an zir a ngai tih a sawi.

Arteta chuan, “Goal khat chauh a him loh chang a awm a, goal khung belha inkhel boruak tih tawp daih theihna remchang a awm bawk thin.

“Chutiang hunah chuan goal tam zawk kan khung a ngai. Inkhel thenkhatah hi chuan ball chang tam mah ila goal khung zat a inhnaih thin lutuk a, hun tawp dawn thlengin rilru nuam loin kan awm theih phah,” a ti.

Gunners hi an match hnuhnung berah Liverpool nen 1-1 in an inhnehtawk, inkhel bul tan fuhin goal nei hmasa mah se anmahni goal an venghim thei lo a ,a tawpah chuan point khatah an lungawi a ngai ta zawk.

North London club hian tun season Premier League match 18 atangin point 40 an hmu tawh a, khelh zat inangah chuan an sang ber - season hmasa anga rei tak hma hruaitu ni chunga champion leh si loh ang kha chu an duh tawh lo ang.

Mikel Arteta naute hian Ningani zanlai dar 1:45-ah league match khel turin West Ham an mikhual dawn a ni.