Hojlund tan EPL goal hmasa ber

Goal khung tura an lei ni mah se Rasmus Hojlund-a'n Premier League goal a khung thei mai lo a, tunah chuan a record duhawm lo hi a thai bo ta - Aston Villa lakah 3-2 a an chakna goal a khung.

Thawhlehni zan EPL inkhelah Man United an mualpho leh dawn niin a lang hman, an mikhual Unai Emery naute lakah 2-0 in an hnufual.

Mahse, Argentine forward Alejandro Garnacho hmanga si phurh an sit zawh bakah, striker Hojlund chuan chakna goal a khung.

Denmark international Hojlund hian Champions League lamah chuan United tan goal a khung tawh. EPL bikah erawh minute 1027 a khelh hnuah goal a khung ve ta chiah a ni.