PSG sang fal zel

Pathianni zan French Ligue 1 inkhelah Paris St-Germain chuan Lyon 4-2 in an hneh a, French champion hian anmahni hnaih bertu Marseille aiin point 12 zeta hmu hnem chungin hma an hruai fal zel.

Paris khawpuia inkhelah hliam vangin Neymar a la inlan thei lo, goal khung kawngah erawh buaina tur a awm chuang lo. PSG tan Angel di Maria leh Kylian Mbappe ten goal an khung hnuah Lyon Marcal de Oliveira chuan anmahni lamah a ti lut.

Mikhual Lyon lamin goal thum an chhuah hnuah Martin Terrier leh Moussa Dembele te hmanga beiseina insiamthar lehin 3-2 a ni hman. Mahse, hun tawp dawn lamah Edinson Cavani chuan an chak nemnghehna leh an goal lina ni bawk a khung.

PSG manager Thomas Tuchel chuan, "Club dang nen kan inel a, kan club chhungah player ṭha hrang hrang chu inkhelhna hmun inchuhin an inel bawk, hei hi thil ṭha tak a ni. A bik takin Cavani pawh tun hnaiah a training ṭha lehzual a, khelmual chhungah a takin a lang," tiin a sawi.