Arsenal an chak lo

Premier League hmahruaitu nih theihna remchang nei mah se Arsenal chuan an hmang thangkai thei lo, an mikhual West Ham lakah 2-0 in an tlawm.

Ningani zan Emirates Stadium-a inkhelah, mikhual Hammers tan Tomas Soucek leh Arsenal defender hlui Konstantinos Mavropanos ten goal an khung a, mualneitu lamin a chhanletna tur an nei lo.

Mikel Arteta enkawl Gunners hian EPL match 19 atangin point 40 an hmu a, an chungah hian Liverpool an awm - khelh zat inangah Reds hian point hnihin an hmu tam zawk.

Inkhel dangah Tottenham Hotspur pawh an chak lo. North London club pakhat zawk hi Brighton mualah 4-2 in an tlawm.