Mizoram tan Fakmawii'n silver medal a la

7 t h E l i t e Wo m e n N a t i o n a l B o x i n g Championship 2023- a h Mi z o ra m B ox i n g Association (MIZBA) chuan hmeichhe boxer pasarih an tir a, Vaivakawn Zohnuai boxer Lalfakmawii Ralte chuan 81 kg categoryah silver medal a la.

Inelna hi December 21-27, 2023 chhung khan Noida, Uttar Pradesh-ah neih a ni a, Fakmawii hian final-ah Haryana boxer Saweety Boora a hneh lo. Kum 30 mi Saweety hi World Championships-a gold medal la lai a ni a, mipa leh hmeichhia huam vekin Indian boxer zinga world champion ni thei pasarihna a ni.

Fakmawii hi Boxing Championship-ah gold medal la mah se National Games-ah an category a awm loh avangin a tel thei dawn lo. Chutihrualin TC. Lalremruati, ITI Veng (60 kg); Vanlalhriatpuii, Champhai (66 kg) leh Lalbuatsaihi, Bethlehem Vengthlang (70 kg) te chu National Games khel turin an tling thung.

National Games 2024 hi ruahman dan chuan Dehradun, Uttarakhand-a neih tur a ni a, a hun tur erawh tih chian a la ni lo. Mizoram team hi coach B. Lalhriatpuii, MSSC NRC leh manager Lalhruaitluanga ten an hruai a ni.