Spurs tana rinawm Matar Sarr

Tottenham Hotspur midfielder Pape Matar Sarr chuan London club-a khelh chhunzawm zel turin contract thar a ziak a, a contract ang chuan kum 2030 thleng Spurs tan a khel dawn.

Kum 21 mi midfielder hian Ange Postecoglou enkawlna hnuaiah hmun pawimawh a chang a, tun season-ah match 18 a khel tawh. Kum 2021 khan Metz aṭangin Spurs hi a zawm a, French club-ah hian loan-in a kir zui.

January 2023 khan Spurs tan a match hmasa ber khelin, hemi hnuah hian match 33 a khelhsak tawh a, kum ruk leh a chanve dang cham chhunzawm tura contract a ziah leh tak avangin a la khel tam dawn chauh niin a lang.

Sarr hi AFCON khel tur Senegal squad-ah koh a ni a, December 31 zana 2-1 a Bournemouth an hneh khan hliam vangin lakchhuah ni mah se AFCON a khel thei dawn nia sawi a ni.

Hetihlai hian Manchester United lama loan-a khel mek Sergio Reguilon chu Red Devils hian a club nghet Spurs lamah an kir tir a, Spanish fullback hi club dangah an chhuahtir leh erawh a rinawm.

Tottenham hi FA Cup third round-ah zanin dar 1:30 hian an inlan dawn a, Burnley an mikhual ang.