LPS Cup - January 15 aṭangin entry fee a pek theih

Aizawl DFA leh LPS ṭangkawpin an buatsaih LPS Inter Village Football Tournament chu February 20, 2024 aṭanga khelh ṭan tur a ni a; January 15, Thawhṭanni aṭangin entry fee hi Younix Sportswear, Zarkawt-ah a pek theih.

Inelnaah hian Aizawl District chhung veng leh khua hrang hrang tan a tel theih. MFA-in ADFA a phalsak angin team pali Sialhawk, Keifang Jt VC, Thenzawl Jt VC leh Kawnpui Jt VC te sawm an ni a, district dang aṭanga dilna a luh avangin ADFA hian MFA hnenah team li aia tam tel an dil leh mek.

Dan pawimawh

Player-te chu mahni vote neihna ngeiah chauh khelh phalsak an ni a, player check nan hian EPIC hman tur a ni. November 2023 hnu lama Voter ID transfer chu pawm a ni dawn lo. Player kum tling lo chu 'Digital Birth Certificate' hmanga check tur a ni ang.

Team tinin Veng/Khua tel lo tur aṭangin player panga lak theih a ni a, playing eleven-ah mi pathum zel an lut thei ang. Squad-ah hian player 25 bakah player lak panga nen 30 ziahluh theih a ni a, official panga ziah theih bawk.