Las Vegas-in boxing & MMA a thleng thei dawn

Boxing leh mixed martial arts-ten inelna buatsaihna hmun atana an thlan fo Las Vegas chuan kar tawp aṭang hian combat sports inelna a thleng leh thei tawh dawn a, boxing leh MMA lam ngainatute tan chuan chanchin hriat nuam a ni. 

Nevada State-a thuneitute chuan tun kar tawp aṭang hian an huam chhunga combat sports neih phalna an pe a, May 30 hian UFC Fight Night neih nghal tur a ni dawn - UFC Welterweight Champion Tyron Woodley leh Gilbert Burns inhmachhawn tur chu ngaihven hlawh ber a ni ang. 

UFC Apex-a neih tur fight night hi keini sanaah chuan Pathianni zing dar 6:30 velah ṭan tur a ni dawn a, ngaihven a hlawh khawp ang - UFC hian Las Vegas-a inelna neih hma hian Jacksonville, Florida-ah entu awm loin inelna vawi thum a lo kalpui tawh. 

Las Vegas-ah hian March 14 aṭang khan combat sports ho chu neih khap a lo ni tawh a, thutlukna thar siam a nih takah chuan June thlatir lamah chuan boxing pawhin inelna an huaihawt ṭan leh tawh tura ngaih a ni.