Australian Open khel tur Raducanu

Thil danglam tak thleng lo se la chuan Emma Raducanu tan Australian Open 2024 main draw khelh nghal ngawt theih a ni lo, world number 301 a nih avangin a tan kawng a thui lutuk, mahse player hliam leh inhnukdawk karah a tan hmun a awm thei hlauh.

American nula Lauren Davis-i chu a dar (shoulder) hliam vangin a inhnukdawk a, hei vang hian US Open champion hlui Raducanu hian Australian Open main draw a khel dawn - Davis hma hian Karolina Muchova, Petra Kvitova, Irina-Camelia Begu leh Caty McNally te an inhnukdawk tawh bawk.

Britain nula Raducanu hi hliam vangin a buai rei hle a, kum chanve aia rei a inkhel thei lo - a inkhelh loh rei em avangin a ranking pawh a hniam tawh a ni. Tunah erawh Auckland lamah a inkhel leh thei tawh.

A match hmasa berah Elena-Gabriela Ruse chu 3-6, 6-4, 5-7 in a hneh a, vawiin hian last 16 match atan seeded pahnihna Elina Svitolina nen an inhmachhawn chhunzawm leh dawn a ni.