Chanmari FC-in Guard of Honour an pe

MPL10 champion tuma sum thehchhuak hnem bera ngaih Chanmari FC-in final thleng mah se an tum ram an thleng zo lo. Final-ah Chanmari hi Mizoram Police lakah ṭum hnih hnufual mah se an sut leh ve ve a, hun pangngaiah 3-3 a ni. Extra time-ah Chanmari hian chak turin minute 30 an nei a, player pakhata tam zawka an khel chungin an khung thei lo.

Chanmariin minute 120 chhungin hun ṭha an bawhpelh a, penalty shootout-ah pawh dinhmun ṭha zawkah an ding. Mahse, penalty shootout-ah Chanmari tana pen chhuak hnuhnung pathumin an hlah vek a, an vanduai. Chanmari chak loh dan a na a, heti chung hian club lian zia an chhuah. MPL ṭantirh aṭanga season tina champion rinkai ni phak Chanmari FC player-ten champion team Mizoram Police FC player-te 'Guard of Honour' hmangin zahna chibak an buk.