Bees-in Ivan Toney chelh ngei an duh

Thlasik bazar hun a ni a, striker mamawh Arsenal leh Chelsea ten Ivan Toney an hel mek - Brentford coach Thomas Frank erawhin English striker hi hralh loa chelh theih ngei an duh thu a sawi thung.

Kum 27 mi Toney hi pawisa inthapna lama a inhnamhnawih avangin hrem lai a ni, an hremna hi tun thla hian a zo tawh dawn. January 20-a Brentford leh Nottingham Forest ten Premier League an khelh hunah chuan a inlan thei tawh dawn a ni. Bees manager Thomas Frank chuan, "Ka thu ni se la chuan a chhuah loh nan man to uchuak tak kan chhiar ang," tiin a sawi