Ndidi-a'n AFCON a khel dawn lo

Leicester City midfielder Wilfred Ndidi chuan hliam vangin Africa Cup of Nations a khel thei dawn lo a, December 29-a Nigeria squad-ah telh ni mah se Royal Antwerp midfielder Alhassan Yusuf hmun ruak luah turin koh a ni.

Hetihlai hian Leicester tana Ndidi nena khel dun Kelechi Iheanacho erawh Nigeria hian chhawr theih hram an inbeisei. Kum 27 mi forward hian hliam vangin Foxes match hnuhnung pahnih a khel thei lo a, Super Eagles hian a dam hman an beisei a ni.

Nigeria hian January 14-ah Equatorial Guinea nen an match hmasa ber an khel dawn a, group A-ah awmin, inelna thlengtu Ivory Coast bakah Guinea-Bissau chu an group-ah an awm tel bawk.

Hetihlai hian Rennes striker Amine Gouiri chu Algeria tana major tournament a khelh hmasak ber turah khup hliam vangin a inlan thei dawn lo a, a inhnukdawk.

Kum 23 mi striker hian age level-ah France tan khel ṭhin mah se, Algerian thisen kai a nih avangin September khan Algeria tana inlan turin thutlukna a siam a, match li a khelhsak tawh.