Tlai dar 2:00-ah Kalinga Super Cup

Kalinga Super Cup chu vawiin tlai dar 2:00 aṭangin Kalinga Stadium, Bhubaneswar-ah khelh ṭan a ni dawn. I League club pahnih Inter Kashi leh Rajasthan United ten qualifying round an khel ang.

Inkhela chak zawk hi group stage khel turin an tling dawn a, group D-ah FC Goa, Odisha FC leh FC Bengaluru te nen an awm ho ang.

Super Cup-ah hian ISL club 12 an tel vek a, I League aṭangin panga an tel. Qualifying khel tur club pahnih bakah Gokulam Kerala, Sreenidi Deccan leh Shillong Lajong te an tel.

Group A-ah Mohun Bagan, East Bengal, Hyderabad leh Sreenidi te an awm a, group B-ah Kerala Blasters, NE United, Jamshedpur leh Lajong te awmin group C-ah Mumbai City, Chennaiyin FC, Punjab FC leh Gokulam te an awm. Group tin aṭanga a sang ber ṭheuhin semifinal an lut ang.