Inter Kashi chak chiang

Indian Super Cup 2024 qualifier-ah Inter Kashi chuan nimin khan 5-0 in Rajasthan United an sawp a, Bhubaneswar, Odisha-a inkhel turin I League club hi an inpetkai.

Inter Kashi tana goal khung zingah Edmund Lalrindika a tel a, goal khat a khung. Edmund bakah hian Mario Barco Vilar chuan goal hnih khungin Haobam Tomba Singh leh Muhammad Ajsal ten goal khat ve ve an khung bawk.

Varanasi club tan hian Edmund hian inkhel bul ṭanin, defender Lalruatthara chu bench aṭanga luhtir a ni bawk. Vawiin aṭangin Super Cup group stage khelh ṭan a ni dawn a, chhun dar 2:00-ah East Bengal leh Hyderabad FC inkhelin, zan dar 7:00-ah Mohun Bagan leh Sreenidi Deccan an inkhel ang.

Super Cup group stage-ah hian team 16 inelin, group paliah team pali zel awmin ṭhen hran an ni a, an inkhelh kual hnuah group tina hmahruaituten semifinal an lut ang.