Sikkim lakah Mizoram chak lo

India rama cricket thuneitu sang - Board of Control for Cricket in India (BCCI) hnuaia state hrang hrang inelna Ranji Trophy khelh laiah, nimin tlai khan Mizoram chu Sikkim lakah wicket liin an chak lo.

Gokulbhai Somabhai Patel Stadium-a inkhelah Sikkim lamin 1st innings-ah over 142.3 chhunga run 442 siamin an duhtawk (declare) a, Mizoram lamin run 214 an siam thung. 2nd innings-ah Mizoram lamin run 397 an siam a, Sikkim lamin run 170 siamin an chak nan a tawk.

Mizoram hi plate group-ah Sikkim, Nagaland, Arunachal Predesh, Meghalaya leh Hyderabad te nen an awm. An match pahnihna atan January 12, Zirtawpni hian GS Patel Stadium, Nadiad-ah an khel leh ang.