Wushu-ah Muanzami'n silver a la

East Zone Khelo Women's Wushu Championship neih zawh takah ITI Veng nula Lalmuanzami chuan 48 kg category-ah silver medal a la. Inelna hi January 3-6, 2024 chhung khan Kokrajhar, Assam-ah neih a ni.

Muanzami hian Mizoram tan medal pali a lakna chiah a ni a, East Zone Khelo Women's Wushu C'ship-ah hian gold medal a la tawh a. All India Sub Junior Wushu C'ship-ah silver la tawhin NorthEast Olympic 2022-ah silver a la tawh bawk.

Mizoram hian tun ṭum inelnaah hian player panga an tir a, medal pakhat an hawn. Medal latu Muanzami hi All India C'ship khel turin a tling. Mizoram team hi Ramluahpuia, NIS Coach leh Lalhmingmawia Sailo, manager ten an ho a ni.

East Zone-ah India hmarchhak Mizoram, Arunachal Pradesh, Assam, Manipur, Meghalaya, Nagaland, Tripura leh Sikkim bakah West Bengal leh Bihar an tel a, state 10 an inel a ni.