AIFF-in Police Meet sawn an dil

India ram chhunga football hmanga state leh state inelna lian ber Santosh Trophy final round chu February 21 leh March 9, 2024 inkar hian Arunachal Pradesh-ah khelh a ni dawn.

Santosh Trophy khelh lai tho hian BN Mullick Memorial Trophy 2O24 chu khelh tur a ni a, state team hrang hrang team-ah Police player an tam avangin buaina tham a tling.

AIFF chuan nimin khan All lndia Police Sports Control Board hnenah lehkha thawnin Santosh Trophy zawha inelna buatsaih turin ngenna an siam.

Santosh Trophy final round-ah hian team 12 an awm a, a sang paliin quarterfinal an khel dawn. Mizoram pawhin vawiin aṭangin MPL champion Mizoram Police player tel loin training an ṭan ang.

Group inṭhen dan

GROUP A: Arunachal Pradesh, Meghalaya, Goa, Assam, Services, Kerala.

GROUP B: Karnataka, Maharashtra, Delhi, Manipur, Mizoram, Railways.