India President-in chawimawina hlan

India rama infiammiin chawimawina an dawn theih sang ber chu Major Dhyan Chand Khel Ratna Award a ni a, a dawttu chu Arjuna Award a ni. Nimin khan India president Droupadi Murmu chuan infiammite hnenah chawimawina hi a hlan.

Dhyan Chand Khel Ratna award hi Shuttler pahnih kum 26 mi Chirag Shetty leh kum 23 mi Satwiksairaj Rankireddy te hnehah hlan an ni a, award hian medal leh certificate bakah pawisa fai cheng nuai 25 a keng tel.

Arjuna Award hi infiammi 26 hnenah hlan an ni a, a tam zawk hi Asian Games 2023-a India tana medal latute an ni hlawm. Cricketer pakhat chauh hming a lang a, World Cup 2023-a wicket la tam ber Mohammed Shami chu chawimawina dawng zinga hriat hlawh ber a ni. Arjuna Award hian dara siam Arjuna lem bakah certificate leh pawisa fai nuai 15 a keng tel.