Woods leh Nike inṭhen

Golf khel thiam hmingthang Tiger Woods chu Nike nen an inṭhen. Infiamna thuamhnaw siamtu lian leh American tlangval hi kum 27 zet an thawkdun hman a, tunah chuan major title 15 latu nen hian an inmangṭha ve ta a ni.

Kum 1996 aṭanga professional match khel tawh Woods chuan, "Nike nen hun rei tak kan thawkdun a, an thuam inbel chungin hlawhtlinna tam tak ka chang, an mi leh sa zingah min chhiarin ka hming an ti lang ṭhin, ka thinlungah an hming a lang reng tawh ang," a ti.

Nike pawhin Woods nena an thawkdun thei chu an lawm thu sawiin, khawvela infiammi ropui leh hlawhtling berte zinga mi a nih thu an sawi ve bawk.

Tunah chuan Woods hi kum 48 mi a ni tawh a, a vanglaia golfer ropui leh ṭha chungchuang ni ṭhin hian inkhelh la chawlhsan chiah lo mah se a vanglai a liam ve tawh a ni.