Atletico Madrid-ah Ka khel ṭep - Tevez

Boca Juniors forward Carlos Tevez chuan season hmasaa a contract zawh rual khan Spanish club Atletico Madrid a pan ṭep thu a sawi.

Argentine striker hian an ram lama a kir hma hian Juventus tan season hnih chhung khelin Serie A nomawi pahnih a chawipui bakah Champions League final a luhpui bawk.

Tevez chuan Atleti-co nena an indawr chung-chang sawiin, "Diego Simeone-a'n min biak hmasak ber aṭangin a club enkawl tana khelh ka chak nghal a, Spain rama ka la inkhelh ngai loh avangin ka phur hle. Mahse, Boca an lo lang a, ka hnar thei ngang lo a ni," tiin amah chher liantu Boca Juniors a hnar theih loh vanga Atletico a hnar thu a sawi.

Hetihlai hian Tevez chuan kum 2009-a Manchester City a zawm chhan sawiin, "United-ah kum hnih chhung ka cham a, a kum hnihna tawp lamah khan third-party owner Media Sports Investment hnen aṭanga min lei tur thu Alex Ferguson khan min hrilh a, mahse eng contract mah min zawrh loh avangin Manchester City ka pan ta a ni," tiin United a chhuahsan chhan a sawi chhuak.