Aston Villa coach Remi Garde a bang

Ni 147 chauh a enkawl hman tihah Aston Villa manager Remi Garde chuan club nena inhriatthiam tawnnain a hna a bansan. Villa hian Garde kaihhruaina hnuaiah league match 20 an khelh aṭangin vawi hnih chiah hnehna an chang thei a ni.

French manager hian Tim Sherwood thlakin nikum November thla khan kum li leh a chanve cham turin Villa Park hi a zawm a, mahse beisei ang a che ṭha loin tun hnaiah a zawna match ruk ngawt an chak loh zawn avangin a hna ngai a thawk chhunzawm thei ta lo.

Kum 49-a upa Garde-a'n Villa a enkawl hnuhng berna match chu March 19-a Swansea City 1-0 a an hneh loh
ṭum kha a ni ta. Tun dinhmunah Villa hi Premier League mawngphahah awmin 17-na Norwich City chu point 12 zetin an phak lo tawh a, league match sarih chiah khelh hmabak a awm tawh avangin an dinhmun a chhe hle.

Aston Villa chuan Arsenal player hlui Garde chuan hunharsa tak kara an club a kaihhruaina vangin a chungah lawm thu an sawi a, Scottish coach Eric Black chuan a hmun ruak a lo luah lailawk tur thu an sawi tel bawk.

Chief executive Tom Fox leh sporting director Hendrik Almstadt te pawhin tun thla tir khan club hi an lo chhuahsan tawh. Inrinni tlai dar 5:15-ah Villa hian champion lai Chelsea chu league match khel turin an lo mikhual ang.