Kante leh Payet ropui zanah France chak

Leicester City mid-fielder N'Golo Kante leh West Ham midfielder Dimitri Payet-te'n March 29 zanah goal hmangin an birthday an lawm a, France-in friendly match-a Russia 4-2 a an hnehna inkhelah goal khat ve ve an khung.

France leh Russia in-khel hi Nikum No-vem--ber thlaa firfiak ṭhen--khatin Paris khawpui an beih hnua Stade de France-in international football match a thlen lehna hmasa ber a ni a, he inkhel hian ngaihven a hlawh hle.

Inkhel ṭan aṭanga minute 8-na lekah Kan-te-a'n France tan goal hmahruai a khung nghal a, ram tana a match hmasa ber leh a piancham ni bawka goal khungtu midfielder hian an khel ṭha hle.

Kante goal khung hnu-ah Andre-Pierre Gig-nac, Payet leh Kings-ley Coman-te'n goal khat ṭheuh an khung bawk a, free-kick aṭanga goal khungtu Payet goal khung hi player ṭha bik lo tan chuan khung theih a ni lo.

Russia-in Alexander Kokorin leh Yuri Zhirkov hmangin goal khat ve ve khung ve mah se awm-zia a nei thui lo a, an mikhualna ramah 4-2 in an tlawm.

France coach Didier Deschamps chuan Euro 2016 ṭan hmaa Nether-lands leh Russia an hneh avangin a team lakah beiseina a nei sang hle.

Deschamps chuan, "Kan match pahnihah hnehna kan chang thei ve ve a, duhthusam angin engkim kal lo mah se re-sult ṭha leh lawmawm tak a ni. Hmalam panin kan kal zel a, kan squad-ah hian player talent nei ṭha tak tak kan kawl ṭeuh a ni," tiin a phur tawh hle.