AFC WC Qualifier Besei nei ram 12

Asia khawmualpui tana 2018 FIFA World Cup qualifier second round chu khelh zawh a ni ta a, ram 12 awmna third round draw chu April 12 hian Kuala Lumpur-ah neih a ni ang.

Second round-ah hian ram 40 zet an awm a, Indonesia chu an ram football inrelbawlnaa sorkar a inrawlh avangin hrem an ni. Team 40 hi group pariat-ah ṭhendarh niin group hmahruaitu Saudi Arabia, Australia, Qatar, Iran, Japan, Thai-land, South Korea leh Uzbekistan ten third round an lut. Anni bakah hian pahnihna zinga point hmu sang pali Iraq, Syria, United Arab Emirates leh China ten third round an lut ve bawk.

Indonesia an disqua-lify avangin Group F-ah team pali chiah an awm a, hei vang hian pahnihna zinga tiṭha pali thlang chhuak tur hian pahnihna team-in group mawngphah an tumna result chu an chhiar tel lo.

Third round-ah hian group hnihah paruk ve ve a ṭhendarh an ni ang a, group pahniha a sang pahnih ve ve chu World Cup khel turin an tling ang. Group pahniha pathumna ten playoff an khel ang a, a chak zawk hian Rus-sia ram thleng turin CONCACAF palina nen playoff an khel leh ang.

World Cup beisei tur nei tawh lo group tina pahnihna, pathumna bakah palina zinga ti
ṭha ram pali ten 2019 Asian Cup qualifying third round an khel ang. Group mawngphah bakah palina chuang bang pali ten Playoff round an khel thung dawn a ni.