Soca Warriors dinhmun a ṭha

2018 FIFA World Cup qualifier (CONCACAF)-ah Trinidad and Tobago-in team paruk awmna final round an hnaih zel a, Nilai-ni zing khan St Vin-cent and the Grenadines chu 6-0 in an sawp. Inkhel dang-ah United States-in Guatemala 4-0 in an sawp bawk.

Soca Warriors hming lem an vuah Trinidad and Tobago hian kum 2006 khan FIFA World Cup hi an lo khel tawh a, hemi ṭum hian tuna Mohun Bagan striker Cornell Glen chu player pawimawh a ni.

North America-ah hian ram 35 an awm a, qualifier khelh dan kalhmang hran hlak an nei. First Round-ah ranking-a 22-na aṭanga 35-na te an inelna a, first round-a chak te leh team bye 13 (ranking 9-na a-
ṭanga 21-na) ten second round an khel leh. Third round-ah Jamaica (7-na) leh Haiti (8-na) te an inlan chiah a, second round-a chak-te nen fourth round lut tur an zawng.

Fourth round-ah hian Costa Rica, Mexico, United States, Honduras, Panama leh Trinidad and Tobago te chu tling sa an ni a, third round-a chak team paruk-ten an zawm bawk. Team 12 te hi hi group pathumah ṭhenhran niin a sang pahnih ṭheuhin final round an lut ang.

Final round-ah team paruk an awm dawn a, tun dinhmuna final round lut tawh chu Mexico an ni. Final round-a point hmu sang pathumin 2018 FIFA World Cup an khel ang a, palinain Asia khaw-mualpuia pangana nen playoff an khel dawn a ni.