Ground vang chuan buaina kan nei lo ang - Technical Director, Aizawl FC

Aizawl FC chuan nimin zing khan Shillong an thlen hnuah a vawi khat nan an practice a, vawiin hian Shillong Lajong an hmachhawnna tur JN Stadium-ah training an nei ang.

MPL champion tech--ni-cal director Hming-thansanga chuan, "Shillong kan thleng tluang a, training session hmasa ber pawh kan tluang khawp mai. Kan inkhelhna tur ground-ah hian training kan la nei lo a, chu ti chung chuan RG Stadium ang thoa astro turf a nih avangin harsatna kan neih ka ring lo," tiin ground vanga buaina an neih a rin loh thu a sawi.

Hmingthana chuan, "Shillong khaw awm dan hi hriatthiam a har a, tun dinhmunah chuan Aizawl aiin a vawt zawk. Training session kan neih zawh hnuah ruah a sur a, kan inkhelh hunah erawh sur lo se kan ti hle," tiin Vanglaini palai hrilh.

North East aṭanga I League khel hma-sa ber Lajong hian point 11 hmuin table mawngphahah an awm a, point khatin Aizawl FC pha lo mah se Shillong club hi match khata an khelh tlem avangin khelh zat inangah relegation zone chhuahsan thei an ni thung.

North East Derby hi Zirtawpni zan dar 6:30-ah khelh a ni dawn a, Ten Action-ah live-a pekchhuah a ni ang.