Ratcliffe-a'n United inkhel a en dawn

Sir Jim Ratcliffe-a'n Manchester United inkhel a en dawn a, club neitu nihna 25% lei a dilna an pawm hnua inkhel a en hmasak tur a ni. January 14, Pathianni zan dar 10:00-ah Man United-in Tottenham an mikhual dawn a, he inkhel hi Ratcliffe hian a en ang.

Ratcliffe-a company Ineos-in Man United neitu nihna 25% chu dollar tluklehdingawn 1.3 bn (£1.03bn) in an lei tih hi December 24, 2023 khan puan a ni a, football inkaihhruaina hi an kutah a awm dawn. Kum 71 mi Ratcliffe hian Old Trafford chei ṭhat nan dollar maktaduai 300 a thawh dawn bawk.

Hemi hnu hian Man United-in match thum an khel leh tawh a, Ineos director of sport Sir David Brailsford chuan inhkel hi a en vek. Ineos chief executive Jean Claude Blanc pawhin FA Cup-a Wigan an hneh lai a thlir bawk. Chutihrualin official-a an inlei fel hun tur erawh February thla tawp lamah chauh a ni ang.