India beiseina kengtu Lianzuala

AIFF Player of the Year ni lai a ni a, ISL-ah Hero of the League niin, Sunil Chhetri tih loha Indian player he dinhmun luah thei hmasa ber a ni. Season hmasa inelna hrang hranga Mumbai City tana goal 18 khungtu hian tun season ISL-ah beisei a phak lo a, heti chung hian match 11-ah goal hnih khungin assist vawi hnih a nei tawh.

India coach Stimac lawmna tizual turin India camp an zawm hmaa ISL-a a match hnuhnung berah Lianzuala hian goal mawi bik a khung a, player ṭha bik a la ni reng tih a pholang.

Lunglei tlangval chuan, "Kan group awmna hi a harsa dawn. Mahse, 11 vs 11 a khel tur kan ni a, keini aiin tawnhriat nei ṭha zawk mah se, han hlauh bikna em em tur awmin ka hre lo. Kan theihtawp kan chhuah ang a, a bak chu amahin a lo inrel fel mai ang - Pathian kutah engkim nghat phawt ila," tiin Vanglaini a hrilh.