Durtlang tlangval Lalchungnunga

September-a khelh Asian Games 2022-ah khan India squad-ah Lalchungnunga koh a ni a, Blue Tigers Under-23 tan hian match thum a khel. Hemi hnuah a hawikir tawh lo a, India coach Igor Stimac-a'n a rintawk avangin Asian Cup-a hruai zingah pawh a tel leh ta.

Durtlang tlangval hian tun season-ah East Bengal tan ISL match riat khel tawhin, a dam phawt chuan bul a ṭan zel. Chungnunga chuan, "Kan hun neih ang ang kan hmang ṭha a, eng team mah kan huphurh bik lo. A phurawm ka ti a, Pathian zarah ka taksa pawh a in fit ṭha khawp mai," tiin Vanglaini a hrilh.