Calvert-Lewin hremna an hlip

Dominic Calvert-Lewin chuan football a khelh china a vawi khat nan red card a hmu a, mahse a club Everton chuan an player card hmuh hi an khinglet - Football Association (FA) chuan hremna hi an sutsak ta a ni.

Everton leh Crystal Palace ten FA Cup an khelh ṭumin, striker Calvert-Lewin hian Palace defender Nathaniel Clyne a tih tluk avangin red card hi pek a ni a, card hi kaltlang ni se la chuan match thum chhung inkhel thei loa hrem a ni ang.

Referee Chris Kavanagh-a'n a tirah chuan a hrem lo, mahse video assistant referee (VAR) Michael Salisbury-a'n a lo sawi angin khelmual sira VAR a en hnuah a hnawtchhuak, minute 79-naah khelmual a chhuahsan a ni.

Everton manager Sean Dyche chuan, "Monitor-ah eng nge a va en ka hre lo, kei hi VAR duhtu leh ṭha titu zinga mi ka ni. Chutihrualin thil a tisual ve thei a ni tih hi a taka kan pawm a ngai, a tawpah chuan dikna lo lang zel se la tih hi ka duh dan a ni," a ti.

Dyche-a enkawl Everton hian Pathianni zanah Premier League khel turin Aston Villa an mikhual dawn. Palace nen FA Cup an khelhah hian goal a lut lo a, a tlang zawk tur chingfel turin Janaury 17 hian Goodison Park-ah an intawng leh bawk ang.