Qualifying khelh ngai lo Thiem

Australian Open main draw khel turin Dominic Thiem tan qualifying khelh hmasak a ngai dawn lo, tun hnai khan Reilly Opelka a inhnukdawk a, a hmunruakah hian Thiem a luh thu tournament buatsaihtu lamin an puang zui nghal.

Austrian tlangval Thiem hi player ṭha leh theihna nei sang a ni a, kum 2020 khan US Open nomawi pawh a lo chawi tawh. Mahse, a banrek hliam zai a nih avangin kum khat aia rei a inkhel thei lo, a lo kir leh hnuah ngai a awh leh tawh lo.

Tun hma deuh kha chuan Roger Federer, Rafael Nadal leh Novak Djokovic ten Grand Slam nomawi hi an insem zo deuh vek ṭhin. Anni pathum awm lai ngeia US Open title la thei a nih avangin mi tak tak chuan Thiem hi an dahsang hle.

Australian Open bikah hian kum 2020 khan final a lo lut tawh, mahse nomawi inchuhna inkhelah Djokovic a ngam lo. Tun ṭumah chuan a inlan a nih pawhin champion tura rinkai zinga mi a ni phak lo ang.

Melbourne Park pan tura a inbuatsaihna Brasbane International-ah pawh a match hmasa berah Nadal tumin a ngam lo a, atan thil thlak danglam nghal vek a harsain a rinawm.