Futsal Club Championship-ah Electric Veng?

All India Football Federation hnuaia Futsal Committee chuan January 10, Nilaini khan online meeting hmangin India rama futsal kal zel dan tur an rel a, AIFF Futsal Club Championship chu kumin February thlaa neih tum a ni.

AIFF Futsal Club Championship-ah hian state champion an tel ṭhin a, Mizoram aiawha tel tur chu Thyristor an ni a, Ramhlun Venglai club hi Mizoram Futsal League champion lai an ni.

Thyristor bakah Electric Veng FC chu tel thei dinmunah an ding. Season liam ta khan Electric Veng hian semifinal an lut a, AIFF Futsal Committee chuan semifinalist-te tel a phalsak dawn. Electric Veng hian AIFF aṭangin tel tura sawmna an dawng ang a, thutlukna chu Mizo club kutah a awm ang.

AIFF secretary general hna chelh lailawktu M. Satyanarayan kaihhruaina huaiah AIFF Futsal Committee hi neih a ni a, meeting-ah hian Lalrengpuia (Mizoram), Naresh Singh Rana leh S Achu (Kerala) te an tel a ni.