Eriksson a cancer

England manager hlui Sven-Goran Eriksson chuan cancer natna a nei tih a sawi a, natna khirh tak ni mah se a theih anga rei a do let tur thu a sawi chhuak bawk.

Kum 75 mi Eriksson hian England hi World Cup 2002 leh 2006 bakah Euro 2004 khan a enkawl a, England ram mi ni lo zingah Three Lions enkawl thei hmasa ber a ni hial.

Tean enkawl hna kum 42 chhung thawk tawh Eriksson chuan, "Natna khirhkhan tak ka vei a, ngaihtuah loh luih tum pawh a harsa hle. Rilruah thil dang a leng meuh lo a, ngaihtuahna pawh a kalding duh hle bawk.

"Mahse, a theih chhung chu ngaihtuah loh a, natna theihnghilhin thil a ṭha lam zel ngaihtuah luih ka tum. Mi ten hian ka dinhmun a ṭha lo tih an hria a, chu chu a dik pawh a dik reng a ni," a ti.

A taksa englai ber nge cancer tih erawh a sawi lo a, cancer erawh a vei ngei thung - a dinhmun a ṭha lo bawk. England manager hlui hian a dinhmun ṭhat tawk loh thu leh kum khat emaw bak hun a neih a rin tawh loh thu thlengin a sawi a, a tawp thlenga beih let erawh a tum dawn.