Thla hnih chawl tur Paqueta

West Ham midfielder Lucas Paqueta chu chawn hliam vangin thla hnih a chawlh a ṭul dawn. Paqueta hian a hliam vangin 'specialist' a hmu leh ang a, a dinhmun chiang zawkin a hriat theih ang.

December thla tawp lama Arsenal nen an inkhelh ṭumin Paqueta hi a inhliam a, January 2-a Brighton nen goal awm loa an inhnehtawk ṭumin a khel lo. Pathiannia FA Cup-a Bristol nen 1-1 a an inhnehtawk ṭumin bul ṭan mah se minute 14-na lekah a chawn hliam vang hian an thlak.

Hammers hian Premier League match 20 an khelh tawh aṭangin point 34 an hmu a, paruknaah awm mekin Brazilian midfielder Paqueta hi player pawimawh a ni.