Zaninah Burnley Vs Luton

Premier League kai thar pahnih Burnley leh Luton Town te chu zanin dar 1:15 hian Turf Moor-ah an inkhel dawn. Clarets hian Luton an hmachhawn hnuhnung pasarihah chak loh an nei lo a, vawi li chakin vawi thum an inhnehtawk.

Mahse, Vincent Kompany-a hote hian record duhawm lo zet an nei. An muala match 10 an khelhah vawi kua an chak lo a, English top flight-a mahni muala bul ṭan chhe ber an ni.

Team pahnih hi Premier League-a kai thar chauh ni mah se tla lehnghal thei dinhmunah an ding a, relegation zone-ah an awm mek. Premier League khel chhunzawm turin club pahnih tan zanin inkhel hi a pawimawh hle.