January 16 aṭangin Inter District Junior C'ship

MFA Inter District Junior Boys Football Championship 2023-24 chu Aizawl District Football Association-in a thleng dawn a, RG Stadium-ah January 16, Thawhlehni aṭangin khelh ṭan a ni ang. RG Stadium-ah hian group match zawng zawng, semifinal leh final bakah quarterfinal match hnih khelh a ni dawn. Quarterfinal match hnih dang hi 1st Bn. MAP Ground, Armed Vengah khelh a ni ang.

Inelnaah hian district 11 chu group paliah ṭhendarh an ni. Group A-ah Lunglei, Kolasib leh Mamit an awm a, group B-ah Serchhip, Khawzawl leh Saitual, group C-ah Lawngtlai, Aizawl leh Hnahthial an awm. Group D-ah Champhai leh Siaha chauh an awm an awm a, group tin aṭanga pahnihin quarterfinal an luh dawn avangin knockout stage an lut sa. Chutihrualin group-a pakhatna tur zawk zawn nan vawi hnih an inkhel ang.

Group stage hi January 19, Zirtawpniah khelh zawh a ni dawn a, knockout stage hi January 22, Thawhṭanniah khelh ṭan a ni dawn. Final hi January 26, Zirtawpniah khelh tur a ni.