Japan nula hnehtu Sakkari

Australian Open hmeichhe singles a hmuhnawm nghal. Seeded pariatna Maria Sakkari chuan a match hmasa berah Japanese nula Nao Hibino chu 6-4, 6-1 a hnehin harsa lo takin first round a paltlang.

Rod Laver Arena-a inkhelah Sakkari hi a tir lamah chuan a hlauhthawng tih a lang, holam angreng taka tihsual a nei zauh zauh - Grand Slam a khelh hnuhnung pathumah hneh nei loa a tlak vek avangin a hlauthawng kha a mak hran lo.

Mahse, a khelh dan phung pangngai rawn chawk chhuakin a inringtawk telh telh a, darkar khat leh minute 11 chhung lekin a chak. Kum 28 mi Sakkari chuan, "Rilru chuan thil tam tak a ngaihtuah, chutiang kara ka chak hian inrintawkna min siam belh ngei ang," a ti.

Inkhel dangah Brenda Fruhvirtova chuan Ana Bogdan chu 2-6, 6-4, 6-3 in a hneh. Czech Republic tleirawl Fruhvirtova hi kum 16 mi chauh a la ni a, Coco Gauff (2020) hnu lamah chuan Australian Open main draw china chak thei naupang ber a la ni hial.

Alize Cornet chu hneh nei loin a tla, Cornet-i hian qualifying paltlanga inlan Maria Timofeeva chu 6-2, 6-4 in a hneh lo. Seeded pakuana Barbora Krejcikova chuan set a hloh hmasak hnuah Japanese player Mai Hontama chu 2-6, 6-4, 6-3 in a hneh.