Sancho-a'n assist a nei nghal

Manchester United manager Erik Ten Hag-a duh loh Jadon Sancho chuan Borussia Dortmund tana a khelh hmasak berah assist a nei nghal a, Dortmund hian Darmstadt chu 3-0 in an sawp.

Dortmund hian Julian Brandt hmangin minute 24-naah hma an hruai a, minute 55-naah Marco Reus leh Sancho te chu bench aṭanga luhtir an ni. Minute 77-naah Sancho siamsak chu Reus-a'n a khung a, injury time-ah Youssoufa Moukoko-a'n a khung belh leh bawk.

Sancho hian Old Trafford a pan hmaa Bundesliga-a assist a neih hnuhnung ber chu May 16, 2021 kha niin Reus a siamsak. English winger hian Dormtund-a a kir hnuah dressing room-ah Reus-a bula ṭhut a thlang a, match hmasa berah Sancho hian a ṭhianpa Reus-a goal khung tur a siamsak nghal.