Leverkusen leh Bayern an chak

Bayern Munich-in January 12, Zirtawpni zan Bundesliga inkhelah Hoffenheim 3-0 in an hneh a, Jamal Musiala-a'n goal hnih a khung hnuah minute 90-naah Harry Kane-a'n a khung belh.

Allian Arena-ah Bayern hian club legend Franz Beckenbauer thlahna hun an hmang a, an jersey hmaah 'danke Franz' tih an ziak. Germany player leh manager ropui hi January 7, Pathianni khan kum 78 mi niin a thi.

Bavarians tana zan danglam bikah Kane-a'n tun season Bundesliga-a goal 22-na a khung a, top scorer tura a dinhmun a ṭhat sawt bakah season khata goal khung tam ber record siamtu Robert Lewandowski record khum turin kawng dik a zawh zel.

Mahse, nomawi lian tham la chawi lo Kane hi nomawi chawi lo thei dinhmunah a ding. A chhan chu Bundesliga hmahruaitu Bayer Leverkusen an la chak zel. Leverkusen hian injury time minute linaa Exequiel Palacios goal hmangin Augsburg chu 1-0 in an hneh.