Khelo Youth Games 2024 : Mizoram Basketball team-in Coimbatore an pan

Khelo India Youth Games 2024 chu Tamil Nadu-in a thleng dawn a, January 19-31, 2024 chhung hian khawpui pali Chennai, Coimbatore, Madurai leh Trichy-ah te khelh a ni ang. Mizoram aiawha basketball khel turten January 14, Pathianni zan khan inelna hmun tur Coimbatore panin Aizawl an chhuahsan.

Inelna hi kum 21 hnuai lam tan a ni a, India rama team ṭha pariat tan chauh tel theih a ni. Mizoramin tun hnaiah basketball-ah result an nei ṭha a, a ṭha pariat inelnaa an tel tur hi MBBA tan chanchin lawmawm a tling.

Mizoram team hi Sports & Youth Services tirh a ni a, SYS hnuaia chief coach hna thawk mektu K. Lalthlengliana chu Chef De Mission a ni ang.