Inter District Junior Championship

PMJVK Inter District Jr Boys Football Championship 2023-24-ah vawiin hian inkhel pathum a awm dawn a, Lawngtlai leh Hnahthial inkhel en a châkawm. Lawngtlai hi champion lai an ni a, amaherawhchu match hmasa bera Aizawl an hneh loh avangin tla thei an ni. Nimin inkhelah Champhai, Mamit leh Saitual an chak.

Lawngtlai hian Hnahthial an hneh loh chuan an tla dawn a, nomawi an humhim thei dawn lo. Chutihrualin Aizawl lakah team ṭha an ni tih an pholang a, goal an khung hmasak hnuah an defender pawimawh hnawhchhuah vangin player 10-in an khel a, an vanduai zui. Inelnaah hian team 11 chu group paliah ṭhen an ni a, group tin aṭangin a sang pahnih zelin quarterfinal an lut ang.