Kerber-i'n semifinal lut

Nimin zing khan Angelique Kerber chuan Madison Keys hnehin Miami Open semifinal a lut a, quarterfinal inkhel dang-ah Victoria Azarenka pawhin Johanna Konta lak-ah hnehna a chang bawk.

German star Kerber hian kumin kumtira Aus-tralian Open noimawi a chawi hnuah WTA tour-ah hlawhtlinna a la chang leh lo. Miami-ah hian beiseina nei mekin Keys hi 6-3, 6-2 in a hneh. Tuk-in dar 6:30 khan semi-final-ah Azarenka nen an in-hma-chhawn zui bawk a ni.

Inkhel dangah Aza-renka chuan Konta lakah darkar khat leh a chanve chhungin 6-4, 6-2 in hneh-na a lo chang ve bawk. World number 23 Konta hi British hmei-chhe zingah Miami Open quarterfinal lut thei hmasa ber a ni a, mahse a tum ram erawh a thleng zo lo thung.

Azarenka erawhin kum 2009 leh 2011 khan he hmun--ah hian hlawh-tlinna a lo chang tawh a, Konta lakah pawh hian vawi 14 chauh un-forced errors a nei a ni.