Alonso a inpeih

McLaren driver Fernando Alonso chu Pa-thiannia tlan tur Formula 1 Bahrain Grand Prix-ah a inlan thei ngei a bei-seiawm.

Kum 34-a upa Alonso hi tun season-a intlansiak hmasa ber Australian Grand Prix-ah khan Esteban Gutierrez lakah a chesual a, intlansiak a tlan chhunzawm thei lo. Mahse, Spanish driver hian hliam na tak erawh a tuar lo thung.

World champion vawi hnih lo ni tawh Alonso chuan, "Australia-ah che-sual mah ila Bahrain-a ka inlan thei tur hi ka lawm hle a, car khalh ka chak leh tawh takzet a ni," tiin a sawi. McLaren chuan tunkar tir khan an driver hi Bahrain-ah a inlan theih tur thu an lo sawi tawh a ni.

Tun season-ah hian Grand Prix 21 tlan tur a awm dawn a, tunhmain Bahrain-ah bik hian Alonso-a'n vawi thum hnehna a lo chan tawh avangin tunkar tawp intlansiakah pawh hian beiseina a nei sang hle tura ngaih a ni.