DSK mikhual tur Salgaocar

Vawiin tlai dar 4:30-ah Salgaocar chuan tun hnaia hartharna chang DSK Shivajians an mikhual dawn a, tla thei dinhmuna ding Goan club hi April 11-a RG Stadium-a Aizawl FC la hmachhawn leh tur an nih avangin chak loh a thiang lo.

Team pahnih intawn hmasa zawkah Salgaocar hian Pune khawpuiah 3-2 in hnehna an lo chang tawh a, mah se hetihlai hi DSK chet chhiat katluan lai a ni. Salgaocar an hneh loh hnuah DSK hian match li an khel leh tawh a, tlawm hmel an hmu miah lo.

Pune club hian Shil-long Lajong a zawna an inhnehtawkpui hnuah club ṭha East Bengal leh Sporting Goa an hneh leh tawh a, Goan club tan zuam chi an ni lo ang.

Season hmasaa ro--pui taka Royal Wa-hing-doh kaihruaitu San-tosh Kashyap-a hnuaia insiamṭha mek Salgaocar hian DSK an hneh hnuah match nga khel leh tawhin vawi hnih an tlawm thung a, East Bengal leh Mohun Bagan hneh loin an khelmualah East Bengal an hneh let thung a, Mumbai FC inhnehtawkpuiin Shillong Lajong an hneh bawk.