Hodgson-a'n Terry a bia

England manager Roy Hodgson chuan friendly match hnuhnung pahniha goal li an chhuah avangin Euro 2016-a tlarhnung tihphui dan a ngaihtuah a, kum 2012-a ram tana inkhelh chawlhsan tawh John Terry pawh a bia tih a pha lo.

Three Lions hian Germany 3-2 a an hneh hnuah Netherlands 1-2 in an hneh lo a, match hnih lekah goal li an chhuah. Berlin-ah Gary Cahill leh Chris Smalling te defence laiah an inkawp a, Wembley-ah Manchester United defender leh John Stones te an inkawp. Hming enin langsar viau mah se defence lai hi England buaina a ni.

England manager Hodgson chuan, "De-fence lai vei lama awm thei tur ṭha hi ka duh ang ka hmu lo. Tuna vei lam zawka kan dah hi chuan dinglamin ball a pet a, tih theih erawh ka nei si lo," tiin defence laia buaina an neih thu a sawi.

Kum 68-a upa English manager chuan, "John nen hun rei tak kan inbia a, player kawm nuam tak a ni. Amaherawhchu a chawlhna a rei tawh deuh avangin ka ngaihtuahnaah hian a tel meuh lo a, chutihrualin a hming dah bo ringawt a harsa. Ani hi dinglama ball pet ni mah se defence lai vei lam zawka awm thei a ni," tiin John Terry nena an inbiak thu a sawi.

Kum 35-a upa John Terry hian kum li chhung chu ram tan a khel tawh lo a, tun season-ah Chelsea tan a khel
ṭha tawk lo bawk.