ISL hi football tan a ṭha lo - Armando

Indian football-a coach langsar ber pawl Armando Colaco chuan, Indian Super League chuan Indian football hmasawnna kawngah nghawng a neih tak tak loh thu a sawi a, ISL chuan mipui ko khawm viau mah se ram pawn player tan bak hlawkna a awm loh thu a sawi.

Dempo a enkawl laia I League nomawi vawi thum lai chawitu coach chuan, "Ka ngaihdanah chuan Indian Super League hian India football hmakhua atan hnathawh engmah a nei lo. ISL-ah chuan thlan bikte tan chauh hlawk a awm a, chung thlan bikte chu ram pawn player leh coach-te an ni si a ni," a ti.

Kum 2008 AFC Cup semi-final-a Dempo hruai thlengtu coach chuan sawi chhunzawmin, "Kan hunlai chuan he game hmangaihna tak tak avangin inchhuang tak chungin kan khel ṭhin a, tunah chuan pawisa leng vel hian kan naute a ti hlauthawng a ni," tiin ISL chu a fak lo hle.

Nikuma East Bengal chhuahsantu coach chuan khelmual lama kirleh a rilruk mek thu sawiin Indian football-ah inlan leh thuai a duh thu leh football tel lo chuan a nun chu a ruak a tih thu a sawi.