Mizoram Open final khel tur a chiang

42 Assam Rifles leh Serchhip District Football Association buatsaiha neih Mizoram Open semifinal chu nimin khan khelh a ni a, P&E Veng FC, Serchhip leh FC Serchhip Kawnpui ten an khingpui ve ve hnehin, final an lut.

P&E FC hian Zokhaw-thar-I FC chu 4-1 in an sawp a, Serchhip club tan hian C. Lalsiamkima chuan goal hnih a khung. Nimin semifinal inkhel hnuhnung zawkah FC Serchhip Kawnpui chuan 5-3 in Vengchung FC an hneh a, Zokhathar FC-II laka 11-1 a an chak ṭuma goal sarih khungtu Felix Lalruatsanga chuan goal hnih a khung.

Mizoram Open final hi Inrinniah khelh tur a ni a, Serchhip Sports Stadium-ah chhun dar 1:00-ah khelh tur niin, P & E Veng FC, Serchhip leh FC Serchhip Kawnpui ten champion an inchuh ang.