Super Over-ah India an chak

Nilaini zan khan India-in Afghanistan lakah 212 runs zet siam mah se super over vawi hnih khelh a ngai a, Rohit Sharma hoten hnehna an chang ta tho. Men in Blue hian Afghanistan lakah series 3-0 in an la a; January 25-29, 2024 aṭangin England nen Test match vawi nga khelh tura hmasa ber an khel ang.

M. Chinnaswamy Stadium-ah India-in bat hmasak an thlang a, captain Rohit Sharma-a'n thi loin 121 runs a siam bakah Rinku Singh-a'n thi loin 69 runs a siam bawk. Over 20 chhungin India-in 212/4 runs an siam a, chakpui ngeina tura ngaih a ni.

Mahse, Afghanistan top order Rahmanullah Gurbaz (50), Ibrahim Zardan (50) leh Gulbadin Naib (55*) ten half century an siam vek. Over tawp berah chak turin 19 runs siam an la mamawh a, 18 runs siamin an inhnehtawk.

Afghanistan-in Super Over-ah 16/1 runs an siam a, India pawhin 16/1 runs tho an siam. Super Over vawi hnihnaah erawh India-in 11/2 runs an siam laiin Afghanistan-in 1/2 run chauh an siam thei a, Men in Blue an vannei ta zawk.