Vawiinah Inter Dist Jr Football Quarterfinal

PMJVK Inter District Jr Boys Football Championship 2023-24 quarterfinal chu vawiin hian RG Stadium leh 1st Bn MAP Ground-ah khelh a ni dawn.

Khawzawlin group match hnuhnung bera Saitual an hneh loh avangin group A champion Kolasib an hmachhawn a ṭul phah dawn a, vawiin chhun dar 11:00 hian RG Stadium-ah an khel dawn. Saitual DFA-in ground an nei ṭha a, DFA naupang tak ni mah se Mamit lakah rinkai an ni zawk tlat. Chawhnu dar 2:00-ah an inkhel ang.

1st Bn MAP Ground-ah inelna thlengtu Aizawl DFA-in Siaha DFA an hmachaawn dawn a, Siaha hian vawi hnih khelhah vawi khat Champhai hneh ve bawk mah se an chak loh ṭuma an chak lohna zat a tam deuh avangin Aizawl laka chak turin vanneihna an mamawh ang.

Chawhnu dar 2:00-ah Champhai DFA leh Lawngtlai DFA te an inkhel dawn a, hei hi intumtawk ber tura chhal theih a ni. Lawngtlai hi champion lai an ni a, player ṭhenkhat chhawk vangin an squad pan deuh mah se an la khawng ṭha hle.