Judo-ah Zenath-i a chak lo

6th Khelo India Youth Games-ah Tuirial tleirawl Zenath Lalngaihawmi (-48 kg) chuan first round-ah a khingpui a hneh lo. Judo-ah hian Mizoramin player pahnih an tir a, Tuirial tlangval Remlalliana (-60kg) chuan vawiinah match hmasa ber a khel ve leh ang.

Judo coach Lalrengpuia chuan, "Zenath-i hi a kum a la naupang deuh a, nikum lawk khan under 14 a la khel. Under 18 hi a vawi khat khelhna a ni a, a la harsa deuh a ni," tiin a sawi.

Khelo India hi Tamil Nadu-in khawpui pali Chennai, Coimbatore, Madurai leh Trichy-ah a thleng a, Judo inelna hi Chennai-ah neih a ni.