Last 16-ah PSG an lut

Paris Saint Germain chuan harsa vak loin French Cup last 16 an lut, an khingpui Orleans chu 4-1 in an hneh. Orleans hi third division club an ni a, a nihna takah chuan Ligue 1 champion tan hna harsa a awm lo.

Paris club lamin goal li an khungah hian Kylian Mbappe a inrawlh vek. France international hian goal hnih a khung bakah, a ṭhiante pahnih Goncalo Ramos leh Senny Mayulu te khung tur a siamsak bawk.

Tun season kal laiah Mbappe hian PSG tan inelna hrang hrangah match 26 a khelh aṭangin goal 28 a khung ta a, a tan kum duhawm a ni mek. PSG tana contract a neih lai hi tun season tawp rual hian a zo dawn a ni.